唉

終於今日都係食左魚生…[?!]


有時真係唔明D拍緊拖既人諗咩…
其實…我真係覺得……好煩
點解可以咁煩…
我發覺我真係enjoy一個人既時候多d…
雖然有時一個人得耐會想有人陪一陪，
但就算有人陪完，我就越會覺得一個人自由自在更加好…
鐘意去邊就去邊，買咩就買咩，又可以有咁耐揀咁耐…

最近我發覺自己好挑剔…
唔係挑剔自己，係挑剔人地…
永遠都會係人地身上搵到睇唔順眼既地方…
原來我係好鐘意尋找同自己一樣既人，
當人地有同我唔同…我會好唔知點…
呢d係自我中心定點？完全唔能夠和而不同…
我懷疑有時我睇人唔順眼，
其實只係我既問題……
但係我又唔想成為呢種咁自我中心既人，好矛盾…
問題係，如果我真係自我中心…
我係唔會覺得自己自我中心…又或者覺得自己有問題…
咁到底我係咪自我中心…？
不過真係搵到個一樣既人，
我覺得我反而會討厭呢個人…
到底呢d係咩心態,,,
越諗越覺得自己好有問題…

……離晒題…我講緊咩…

今日心情好差勁…
不過…我就越表現出心情好…
搞到更加低落…
其實都唔知咩原因…
永世都係咁…開心要一大堆理由，
唔開心，唔需要理由，隨時隨地都可以自行墮入谷底…

跟住，仲要發生左黑仔野…
又永世都係咁…好運硬係無我份，
抽獎永世無獎，買六合彩最勁得半粒字，連撞MC運都無，
但d不祥預兆就獲獲中到應一應…
真係…真係黑過墨斗…

I tried to talk with God to no avail
Calling up in and out of nowhere
Said "if you won't save me, please don't waste my time"
真係好想同God講呢句野 :|