Finally saw THE DARK KNIGHT IN IMAX!!!!

我而家我心仲好虛弱，因為仲震撼緊…[定還是只係個人心臟比較差？！]
事源今日終於去左IMAX睇期待已久既The Dark Knight!!!!

因為比較興奮同驚唔夠傳神，所以要口一口語呢篇日記。

個故仔係點就唔多講啦，
呢套到而家為止睇過最貴既戲，係我覺得睇得最值既一次，
我到而家呢一刻都仲想睇多幾次！
而且仲要係IMAX版囉。

首先，真係好想講一講呢個IMAX。
今次係我第一次去IMAX，我之前無睇過TDK既普通版，
不過我真係覺得IMAX正好q多，
一入去個超巨幕已經令我好震撼，[個比例就係一粒字幕有四個人頭咁大]
一開始果幾個鏡頭更加係清到無人有，[可能係岩岩開始既關係，特別清]
我甚至係將自己代入左去入面，
就好似自己企係個天台度，又或者係IFC飛落街，
好記得一開始有個鏡頭加埋個超勁音響，
我係直情覺得係坐過山車衝落去咁…
每次睇D wide shot都係種享受…

第二樣想講既當然就係我睇呢套戲最主要想睇既--JOKER!
佢真係正到無人有，我睇完最大既感觸就係
點解佢要咁早死！！！！！
真係好鐘意佢開頭果個笑聲，[基本上佢每個表情、笑聲、動作我都覺得好正]
同埋佢cosplay做護士。[佢都幾鐘意cosplay…警察都cos埋]
我真係好鐘意佢呢個咁Crazy既…Joker[唔知叫唔叫佢人好]
好鐘意佢唯恐天下不亂，同埋叫自己做high class罪犯，
唔知點解我覺得佢癲得黎，其實都幾自戀XD
就好似imax巨幕個震撼程度，我都唔知點形容佢，
唯有親身去體驗一下，一定值得!!


之後想講佢果d動作場面，
好記得果場全程用IMAX拍既隧道追逐戰，
batman架烈火戰車產埋去，再分體爆炸，
好記得係架車U-turn果野同埋反Joker架貨車果幕，
係我其中一幕O左咀。
[我諗我全場都狂O咀，勁緊張勁刺激，太驚嘆啦…]
仲有兩隻船果度，都睇到勁緊張，同埋，我幾鐘意呢幕…
同埋Joker想界開個黑人個嘴同丟Rachel落街果兩幕都緊張到呼吸唔到。

之後想講係IMAX D音響，
真係心都震埋，成日被d突然響聲嚇親，
最記得一開始個巴士撞入銀行果野…
同埋好鐘意佢個配樂，完左場又有播果個…
真係好正…

跟住想講其他人。
個Two Face其實真係好弱雞，咁易比人搞掂講兩句就由忠變奸，
不過佢個妝真係幾掂，同埋，佢真係死得好快。
然後就係個溶化女人Rachel，好啦…其實佢真係唔算醜樣既，
不過可能係我先入為主聽到人話佢好溶化，所以都潛意識咁覺得佢好係啦…
但係佢都幾好既，最令我意想不到既係
原來佢係斷背山胡迪個親家姐囉…
跟住，好啦講Batman啦，其實佢無咩好講，
還是老樣子，同埋呢套戲令我覺得佢有少少變左大配角囉…[joker太搶啦！]
然後係Morgan Freeman同個管家阿福，
真係好鐘意佢地，成日都會引發笑點…
同埋個差佬，佢都ok多戲份，比起上集對佢印象深左好多。
然後就係人們談論的EDC，只是一個連樣都見唔到既閒人，
不提也罷。

其實套戲都幾長下，152mins，
雖然可以係話無冷場，
不過好多想記住既位都因為太多而唔記得晒，
亦都因為好多位都好精彩，精彩到個腦唔夠位放，
出到黎好唔想忘記但係都忘記左好多…
感覺好想睇多次去remind番自己，
同埋IMAX個幕大到，我第一次要眼球陏得咁西利去睇字幕，
但係依然miss左不少對白，
真係令人好想睇多好多好多次囉…

總結就係，
唔睇會後悔，仲一定要睇--IMAX!!

***另：套戲影得香港靚到…仲靚過自己親身去睇實景囉…！
只能用「震撼，震撼同震撼」去形容佢。

(好啦，最近個人都受WANTED影響，個人比較誇張，但真係好正囉唔係講笑。)

[好可怕既樣，but好正!!I like it!!!!]