畫意

「百病貧困仍然無悔未曾賣過仍舊畫畫
只是為了呈現世間光明來叫開心可散發
無視血色蒼白　忘掉過得蕭煞」

「萬人做上萬年難買藝術傑作從未獲得當時留意
難道人死商業才計得到他價格
難道妥協一劃　難道放棄風格
跟風一下然後暴發」

這些年來我早已對香港的流行曲失去興趣，
但最近這首歌卻驅使我不斷重播去細味當中的精彩。
王菀之，只靠聲音和音樂的唱作人。
不賣弄，不花巧，只是說話較常人高音，
但這把聲音正是她特別之處。
這年頭的泳兒被指聲線似王菲，
無可否認的確有幾分相似。
同樣有把出色的聲音，
王菀之卻唱出自己的風格。
一把是她擁有的聲音，一種只有她能唱出的感覺，
尤如一股清泉湧過這頹癈的香港樂壇，
唱出一首道出創作人心聲的悲歌，畫意。

旋律之優雅，夾雜淒美，
與林夕描寫梵高的詞配合得恰到好處。
不至於慘淡得令人哭，
但卻感動，留下絲絲餘悸使人再三細味。


"只是為了呈現世間光明來叫開心可散發"

"他有權亂去畫　也許口袋　也不致一片空白"

"看一個人的命　或者悲慘
他到臨終仍肯畫　仍然貢獻世間
看他看長夜星空　那種燦爛　顯得世間太蒼白"

梵高一生為藝術，為創作，
縱然悲慘，但他自得其樂。
他的故事亦從林夕精彩的文字，
王菀之優美的律旋，
在一首短短的歌中完美道出。

我與細蚊仔抗戰一個暑假之第二日[紙黏土]

任務:教整紙黏土花型吊飾
對象:四至六歲細蚊仔

首先將紙黏土加顏料搓成不同顏色。
第一班有五名細蚊，
有兩個樣貌極為相似，是兩姐妹。
一個叫阿英，被各位稱之為老英。
由於第一次教，第一次整，
所以自己也有點迷惘。
幸好這班之細蚊十分乖巧，
但有一名男細蚊經常被我忽略，
而且老實說，他的作品不太好...
經常要替他補獲。

第二班，只有三人。
兩女一男，
十分有趣的一班，其中一名女細蚊經常和男細蚊傾計，
一開始兩個已經雞啄唔斷，
從他們的對話中推測，
他們極有可能是同班同學，
因為他們的談話經常圍繞著一名經常講核突無聊野的男仔。
可能受該名核突野男仔影響，
這個鐘姓男細蚊的言談之間亦夾雜核突無聊之元素。
開始整，他們依然雞啄唔斷，
鐘同學經常用牙簽篤我，又不肯做野，
又問我"知唔知邊個係陳法拉丫?"
我肯定他經常追看溏心風暴。
除此之外，他又經常跌野，
然後借d綺在台凳底下穿梭。
另一名和他雞啄唔斷的女仔最喜歡用調色盤的水洗手，
[調色盤厚度只有1cm]，
而這三名細蚊仔都有一個共通點，
喜歡搶我整緊的紙黏土，我手拎住的任何東西都喜歡搶，
還有用調色盤的水fing我。
由於鐘姓同學太曳，
我恐嚇他說不教他，
他會變乖十多秒然後打回原形。
其餘兩名女仔都很合作，很快完成，
但喜歡和我說無聊野和細蚊仔語言。
完結後，我還要搓顏色紙黏土，
搓完就完成了這天的工作。

我發覺，這份工作太好玩了，
雖然細蚊仔好曳，
我亦估唔到細路都咁鐘意陳法拉，
但至少開工時我也可以玩，
我好耐無玩過紙黏土啦!!哈哈...
好好玩!!!
[雖然整到成手都係]

唔知下堂玩咩呢XD

-------------------------------------------
我隻手而家好痛丫...
頭先搓野搓得太用力...
好似抽筋咁隱隱痛

我與細蚊仔抗戰一個暑假之 第一天

今天是我第一天上班的日子。
話說半年前，我在某補習社替人補習，
那時我已見識過世上最大破壞力的人，
細蚊仔。
除了在窄無可窄的空間也堅持不停奔跑和穿梭的能力外，
任何東西也可放進口裡如各式擦膠，鉛筆等的特異功能亦不容忽視。

今天，我重遇一班更年輕的細蚊仔，
雖然只有四至六歲，
但其破壞力亦沒隨之減少。

總結是:天下細路一樣曳。

還好，有時頗為可愛。

被稱之為carmen姐姐的我，
今天開始我第一次教兒童畫的生涯。
起初以為很容易，但通常現實都是殘酷的。
今天總共教了三班，
全是三至六歲。
第一班教畫萍果橙，
用粉彩和色紙拼拼貼貼，
本以為這麼容易他們應該做得到，
可惜我忘記了他們只有四歲....
我開始發現，細蚊仔眼中，
橙和萍果已有很多變化，
由他們的創意可見，
將來在design這一行應有一番大作為...==
終於叫完成了，
下一班立即又湧來，
這一批細蚊仔看似比之前的萍果橙大一些，
但情況是沒有好轉過的。
六個細蚊仔當中，
有一個女仔一開始就喊，
直到她媽媽離開還繼續喊，
喊的情度達至"扯蝦"級，
對於一個新來的老師我來說，
絕對是一級驚嚇和不知所措。
幸好另一位老師用她的忽略法和恐嚇法成功令她收聲。
這一堂是畫多啦a夢，
本以為噩夢已了，誰不知，
畫到多啦a夢個身的時候，
這喊包細蚊仔又開始喊，
原因係個身畫極都又長又幼，
她為自己畫不到而不開心。
無奈我教極她都是給我一個slim版的多啦a夢，
我放棄了。
最後另一位老師再捉著她的手來畫才搞掂。
在這一個鐘裡，我發掘了不少多啦a夢鮮為人知的一面，
原來他喜歡晒太陽同走佬...
[這班有個細蚊仔好似jacky仔，好得意。仲有個成日自己傻笑，個樣好搞笑!]

抗戰兩個鐘後，
這班放學的時候，老師和喊包家長傾計，
我走去同這個喊包傾計。
我竟然和她很好傾...
回想起一個鐘前還被她的喊聲嚇死時，
原來，世事真的變得很快。

兩小時的break後，
下一班又來了。
之前都是做helper，這次要我來教了。
又是教多啦a夢，有點緊張，
但這一班應該是我三班以來最喜歡的。
每個都很聽話，又畫得靚，
他們又問我有無睇多啦a夢，
有個叫樂晴既女仔成日被我地叫做落雨。

教完還要執野，洗野，做埋打雜。
經過三小時，今日的抗戰完畢。

除了經常要跪地同捉住d手仔黎畫，
仲有一些永遠聽不明白的細蚊仔語言外，
這份工也不錯啦...近近地又好賺。

不過對住細蚊仔絕對唔係一件易事，
生仔前要諗清楚。XD
< <待續>>

[迷．戀]

他徘徊在我腦海中，揮之不去。
夜空的點點星光化成他攝人的眼眸，
空氣像刻意讓我嗅到他的氣息，
還是...我刻意去注視?

當身邊一切也開始轉變，
甚至走到哪裡也發現他的影子，
我開始懷疑，
這是我朝思慕想的後遺症?
我開始後悔當日留意到他的一刻，
或者，不是那天，
至今不會為他瘋狂成這樣子。

一直至今，絲毫不減，反愈強烈...

但這一刻，
我竟希望這後遺症永遠不能治愈，
甚至我任由它放肆地嚴重下去...
原來，他已令一切盲目，
迷上一個人，某程度上很可怕，
或者別人永遠不明白，
甚至連我自己也不明所以，
但肯定地，
you're driving me crazy.

CE後的總結

對CE前的形容:地獄
對CE的評論:不堪入目，前功盡廢，聽天由命。
對CE後的形容:HAE，搵定後路。

準備CE之前，我有一個時間表，
隨時間的減少，時間表亦不停有新版本，
但都有一個共通點，全部最多都只能夠實行三日。
其實我已經好努力去溫書，
或者因為我意志薄弱，或者我根本唔係讀書材料，
我經常HAE左去做第二D野，
例如，聽收音機。

係無得開電腦同唔想追電視劇既日子，
我鐘意左聽收音機。
係好OLD SCHOOL，不過真係好正，
與此同時，我迷上左一個DJ把聲，
有D奇怪，好少會講迷上一把聲，
但呢把聲真係好正--903阿喱。
呢D野好個人，鐘意就鐘意，
無得解，我都唔知點解。

就因為我成日HAE左去，
我都認我無盡晒力去溫，
於是每一科我都溫唔晒，仲剩番好多未溫。
有無信心，答唔到，
或者到左放榜前一日，我先會識驚，
ANYWAY，已經過去，唔想諗。
-------------------------------------------------------
考完，
求其食左餐飯當慶祝，亦飲恨無得睇MAYDAY。
HAE左成個禮拜，無野做原來幾迷惘。
於是膽粗粗走左去搵工。
不過都係:番去等通知啦。

再HAE多幾日，因為睇完SPIDER-MAN2興起，
亦都有個人又興起，就兩條友仔走左去睇3，
好樣衰地，我地迷路。
無辦法，我地都係無方向感同唔認路既人。
好彩最後用最原始既方法搵番條路。
睇完，好睇既，
個沙人好正，黑蜘蛛又好型，個傻仔個ON居樣又幾好笑，
不過都係果句，
D"既野"都係死完又死生完又生，
應死就死，應生就生，大美國英雄片就係咁，不變定律。
最係總結，永遠同AT YAN一齊，
總會發覺我地都係爛人一個，爛GAG果種爛。

同一日，有人打電話黎叫我見工，
其實我已經唔記得幾時去問過，
不過有得見好過無，於是我去左。
教小朋友畫畫，比左D畫佢睇，
佢又叫我即刻畫兩幅比佢，
OMG要用粉彩，唔識用，
畫左一幅核突大笨象，FOR小學生，
一幅拼拼貼貼，FOR三歲小朋友，
簡簡單單用佢地D手仔印下貼下就搞掂果種。
個MISS竟然話小朋友果幅好D....................
佢話好有創意..."但係，
原來我係岩畫小朋友畫多D..""""
之後佢又叫我補埋習，
不過仲未有得番住。
就咁樣，我有野做啦。
-------------------------------------------------------
跟住，我番左大陸。
嗯，因為我老豆番左黎。
兩日都係姑丈開車四圍食同去左拜山。
今次架車好坐過之前，
原來大陸D野食真係好平，
同時我發現原來我阿爺都幾靚仔。
不過呢幾日吸左好多二手煙ORZ。
-------------------------------------------------------
今日岩岩夜晚由大陸番左黎。
就係咁啦。
< 完>

MY CE PROTFOLIO

CE PORTFOLIO的作品。
完成了近幾個月，雖不算最好，
但已是我年幾以來嘔心瀝血的作品，
唔買都埋黎睇下=]


1//.我的一天[PAINTING]
介紹:平凡貧苦學生典型作品，
埋怨學習壓力與時間緊迫的校園生活，
從而逃避現實的懦弱學生寫照。

感想:[曾被讚賞而且製作時間頗長的油畫，我自己頗喜歡，嘻嘻]
--------------------------------------------------------------

2//.傳奇人物--德蘭修女[雕塑]
介紹:爛鬼卡紙電燈膽併併貼貼，歌頌德蘭修女無私的愛，
POP ART風格的後現代細細舊雕塑。

感想:[一路整一路諗一路改，立立雜雜堆砌而成，電燈膽落足心機整，有心力作。]
--------------------------------------------------------------


3//.PLAYBOY RING BOX[PACKAGE DESIGN]
介紹:改裝品牌懶高檔之
中[梁祝化蝶月老紅線]西FUSION
又係花花蝴蝶
行貨戒指盒連紙袋

感想:[得個靚字]
--------------------------------------------------------------

4//.繁與簡[T-SHIRT DESIGN]
介紹:堅拒簡體字取代，力保中國傳統文化繁體字之爛撻撻T-SHIRT產物。

感想:[力不從心，唔睇得又唔著得，一個字--失敗]
--------------------------------------------------------------

5//.NO-GAMBLING[SHOES DESIGN]
介紹:反對賭波合法化，堅持「睇波不賭波」之白販魚扮CONS花碌碌球鞋DESIGN.

感想:[無人會著]
--------------------------------------------------------------

6//.TIME(珍惜)[MIX MEDIA]
介紹:又一平凡貧苦學生典型作品，
行貨題材如珍惜眼前，活在當下，時間寶貴等混合媒介木板作品

感想:[睇落唔錯，左堆右砌又一件]
--------------------------------------------------------------

7//.HKIFF[POSTER DESIGN]
介紹:臨急抱佛腳之香港國際電影節海報設計

感想:[整得晒算好彩]
--------------------------------------------------------------